aa.Nkh pa.Datii hai kahii.n paao.n kahii.n pa.Dataa hai
Poet: Alam Tab Tashna
aa.Nkh pa.Datii hai kahii.n paao.n kahii.n pa.Dataa hai
aa.Nkh pa.Datii hai kahii.n paao.n kahii.n pa.Dataa hai
sab kii hai un ko Khabar apanii Khabar kuchh bhii nahii.n
shamaa hai gul bhii hai bul-bul bhiihai paravaanaa bhii
raat kii raat ye sab kuchh hai sahar kuchh bhii nahii.n
hashr kii dhuum hai sab kahate hai.n yuu.N hai yuu.N hai
fitanaa hai ek terii Thokar kaa magar kuchh bhii nahii.n
nestii kii hai mujhe kuuchaa-e-hastii me.n talaash
sair karataa huu.N udhar kii ke jidhar kuchh bhii nahii.n
ek aa.Nsuu bhii asar jab na kare ai \"Tashna\"
faayedaa rone se ai diidaa-e-tar kuchh bhii nahii.n
|
hisaar-e-maqtal-e-jaa.N me.n lahuu lahuu mai.n thaa
Poet: Alam Tab Tashna
hisaar-e-maqtal-e-jaa.N me.n lahuu lahuu mai.n thaa
hisaar-e-maqtal-e-jaa.N me.n lahuu lahuu mai.n thaa
rasan rasan merii vahashat guluu guluu mai.n thaa
[hisaar-e-maqtal-e-jaa.N=boundaries of the battleground of life]
[rasan=rope; guluu guluu=neck]
jo rah gayaa nigah-e-sozan-e-mashiyat se
qabaa-e-ziist kaa vo chaak-e-berafuu mai.n thaa
[nigah-e-sozan-e-mashiyat=flaming eyes of God\'s will]
zamaanaa ha.Nsataa rahaa merii Khud-kalaamii par
tere Khayaal me.n masaruuf-e-guftaguu mai.n thaa
tuu apanii zaat ke har pech-o-Kham se puuchh ke dekh
dar-ba-dar merii dastak thii kuu-ba-kuu mai.n thaa
[pech-o-Kham=complexity]
mere raqiibo.n me.n kab thii ye hausalaama.ndii
navard-e-ishq me.n Khud apane ruu-ba-ruu mai.n thaa
[navard-e-ishq=battle of love]
ma\'aal-e-umr-e-muhabbat hai bas yahii \"Tashna\"
merii talaash thaa vo usakii justajuu mai.n thaa
|
is raah-e-muhabbat me.n tuu saath agar hotaa
Poet: Alam Tab Tashna
is raah-e-muhabbat me.n tuu saath agar hotaa
is raah-e-muhabbat me.n tuu saath agar hotaa
har gaam pe gul khilate Khushbuu kaa safar hotaa
[gaam=step]
uThataa mere pahaluu se vo mehr-e-shanaasaa_ii
ik roz to aisaa bhii aaGaaz-e-sahar hotaa
[shanaasaa_ii=acquaintance; aaGaaz=start]
ashk-e-sar-e-mizshgaa.N ko chun letaa vo palko.n se
ik roz to aisaa bhii diidaa-e-tar hotaa
[mizshgaa.N=eyelid; diidaa-e-tar=eyes filled with tears]
ye tark-e-ta\'alluq kii sun lete nasihat bhii
\"Tashna\" jo ko_ii us kaa mahabuub-e-nazar hotaa
|
safar me.n raah ke aashob se na Dar jaanaa
Poet: Alam Tab Tashna
safar me.n raah ke aashob se na Dar jaanaa
safar me.n raah ke aashob se na Dar jaanaa
pa.De jo aag kaa dariyaa to paar kar jaanaa
[aashob=turmoil]
ye ik ishaaraa hai aafaat-e-naagahaanii kaa
kisii jagah se pari.ndo.n kaa kuuch kar jaanaa
[aafaat-e-naagahaanii=unexpected problem]
ye intaqaam hai dasht-e-balaa se baadal kaa
samu.ndaro.n pe barasate hue guzar jaanaa
tumhaaraa qurb bhii duurii kaa istiaaraa hai
ki jaise chaa.Nd kaa taalaab me.n utar aanaa
merii yaqii.n ko ba.Daa badagumaan kar ke gayaa
duaa-e-niim_shab teraa be-asar jaanaa
[duaa-e-niim_shab=midnight prayer]
ajab hai.n rasm-e-gah-e-zindagii ki ye a.ndaaz
usii ne vaar kiyaa jisane besipar jaanaa
[besipar=without a shield]
hamaare dam se hii aavaargii-e-shab thii
hame.n ajiib lage ab shaam hii se ghar jaanaa
|
vo ke har ahad-e-muhabbat se mukarataa jaaye
Poet: Alam Tab Tashna
vo ke har ahad-e-muhabbat se mukarataa jaaye
vo ke har ahad-e-muhabbat se mukarataa jaaye
dil vo zaalim ke usii shaKhs pe marataa jaaye
mere pahaluu me.n vo aayaa bhii to Khushbuu kii tarah
mai.n use jitanaa sameTuu.N vo bikharataa jaaye
kyo.n na hum usako dil-o-jaa.N se chaahe.n \"Tashna\"
vo jo ek dushman-e-jaa.N pyaar bhii karataa jaaye
|
